योगेश्वरी शुगर्सच्या २१ व्या गळीत हंगामाचा शनिवारी बॉयलर अग्निप्रदिपन समारंभ
जिल्हा प्रतिनिधी:अहमद अन्सारी परभणी
पाथरी तालुक्यातील लक्ष्मीनगर लिंबा येथील योगेश्वरी शुगर्स या खाजगी साखर कारखाण्याच्या २१ व्या गळीत हंगामाचा बॉयलर अग्निप्रदिपन समारंभ शनिवार २२ ऑक्टोबर धनत्रयोदशी च्या शुभ मुहुर्तावर सकाळी अकरा वाजता अग्निहोत्री श्री यज्ञेश्वर रंगनाथ महाराज सेलूकर यांच्या शुभ हस्ते संपन्न होणार असल्याची माहिती कारखाण्याचे कार्यकारी संचालक अॅड रोहित आर देशमुख यांनी तेजन्यूजशी बोलतांना दिली.
या वेळी प्रमुख उपस्थितीत माजलगाव मतदारसंघाचे माजी आमदार तथा योगेश्वरी शुगर्सचे चेअरमन आर टी देशमुख जिजा हे राहाणार आहेत. गत वर्षी कारखान्यात वारंवार बिघाड होऊन ही केवळ शेतक-यांचा ऊस उभा राहुनये म्हणून हा साखर कारखाना फेब्रुवारी पासुन पुढे हंगाम संपे पर्यंत जवळपास दोन जुन पर्यंत चालऊन कार्यक्षेत्रातील सर्व उत्पादकांच्या ऊसाचे गाळप केले गेले. या साखर कारखाण्याचे चेअरमन मा आ आर टी देशमुख जिजा यांच्या मार्गदर्शनात या वर्षी या कारखाण्याी गाळप क्षमता प्रतिदिन एक हजार मेट्रीक टनाने वाढवण्याचे काम जवळपास पुर्ण झाले आहे. असून या वर्षी प्रतिदिन अडीच हजार मेट्रीक टन ऊसाचे गाळप होणार असल्याचे ही अॅड रोहित आर देशमुख म्हणाले.
आज पर्यंत ऊस उत्पादक,कामगार,तोडणी वाहतुक ठेकेदार,कारखाना अधिकारी कर्मचारी यांच्या समन्वयातून गेली २२ वर्षा पासुन हा साखर कारखाना अविरत पणे सुरू असून यात ऊस उत्पादक हाच केंद्रबिंदू माणून पुढील वाटचाल सुरू असल्याचे देशमुख म्हणाले. या साखर कारखाण्याच्या आज पर्यंतच्या वाटचालील गत हंगाम अतिषय खडतर गेला. याची जाणिव ऊस उत्पाकांसह कारखाणा अधिकारी कर्मचा-यांना ही असून सकारात्मक इच्छा शक्ती मुळेच जुन पर्यंत हंगाम सुरू ठेऊन संपुर्ण ऊसाचे गाळप करू शकलो असे देशमुख यांनी सांगून या वर्षी २१ व्या गळीत हंगामाचा बॉयलर अग्निप्रदिपन शनिवारी सकाळी अकरा वाजता होणार असल्याचे ही ते म्हणाले.
बॉयलर अग्निप्रदिपन कार्यक्रमा साठी उपस्थित राहाण्याचे आवाहन कार्यकारी संचालक अॅड रोहित आर देशमुख यांच्या सह संचालक राहुल आर देशमुख,डॉ अभिजित आर देशमुख यांनी केले आहे.