न
मुख्य संपादक:कु. समिधा भैसारे
आदर्श नेरीच्या निर्मितीसाठी सुरू करण्यात आलेल्या “गावासाठी एका तासाचे श्रमदान” उपक्रमाला नेरीतील युवकांनी उत्स्फूर्त प्रतिसाद दिला. पावसाची पर्वा न करता युवकांनी छत्रपती शिवाजी महाराज चौक, नेरी येथे श्रमदान केले.
श्रमदानापूर्वी छत्रपती शिवाजी महाराजांना अभिवादन करून स्वच्छता मोहिमेला सुरुवात करण्यात आली. यावेळी युवकांनी परिसरातील दुकानदार व हॉटेल व्यावसायिकांशी संवाद साधून आपले दुकान व परिसर स्वच्छ ठेवण्याचे आवाहन केले.
“एक तास गावासाठी… एकत्रित प्रयत्नांतून आदर्श नेरी!” या संकल्पनेला मिळालेला हा प्रतिसाद नेरीच्या नव्या परिवर्तनाची आशादायी सुरुवात ठरत आहे.
