ताज्या घडामोडी

विरोधी पक्ष नेते प्रवीण दरेकर यांच्या विरोधात दिली अहेरी पोलीसांत तक्रार

महिलांना उद्देशून लज्जास्पद वक्तव्य केल्यामुळे राष्ट्रवादी महिला काँग्रेसने केली तक्रार.

तालुका प्रतिनिधी : विस्तारी गंगाधरीवार अहेरी

पुणे जिल्हातील शिरूर येथे क्रांतीकारक उमाजी नाईक यांच्या २३० व्या जयंतीनिमित्य आयोजित केलेल्या एका कार्यक्रमात विरोधी पक्षनेते प्रवीण दरेकर यांनी राष्ट्रवादी काँग्रेस पक्ष हा रंगलेल्या गालाचे मुके घेणारा पक्ष आहे असे वक्तव्य केले. याबाबत विविध टीव्ही चॅनल आणि सोशिअल मीडिया मध्ये त्यांची क्लिप वायरल होत आहे.या विरोधात राष्ट्रवादी महिला काँग्रेस पार्टी च्या जिल्हाध्यक्ष शाहीन जमीर हकीम अहेरी पोलीस स्टेशन येथे तक्रार दिली आहे.प्रवीण दरेकर यांनी केलेल्या वक्तव्यामुळे महिला वर्गाच्या भावना दुखावल्या असून महिला वर्गाच्या मनात लज्जा उत्पन्न होऊन दरेकर यांनी महिलांच्या विनयशीलतेचा अपमान केला आहे.तसेच अश्या वक्तव्यामुळे राष्ट्रीय एकात्मतेला धोका पोहोचवून दोन गटांमध्ये तेढ निर्माण केली आहे.सदर वक्तव्यामुळे राष्ट्रवादी पक्षाच्या जनमानसातील प्रतिमेला मलिन व बदनाम केले आहे. यामुळे प्रवीण दरेकर यांनी केलेले वक्तव्य हा दखलपात्र गुन्हा असून त्यांच्याविरुद्ध कलम १५३ बी ५०० व ५०९ प्रमाणे गुन्हा दाखल करण्यात यावा व योग्य ती कारवाई करावी असे ही शाहीन जमीर हकीम यांनी नमूद तक्रारीत मागणी केली आहे.या वेळी अहेरी महिला विधानसभा प्रमख पुष्पा अलोने,माजी जि. प अध्यक्ष सौ आशाताई पोहणेकर,माजी नगरसेविका ममता पटवर्धन,आरती डुकरे, कल्पना उरेते, शकुंतला मडावी,माजी नगरसेवक शैलेश पटवर्धन, बाबू शेख व महिला उपस्थित होत्या.

कृपया बातमीला जास्तीत जास्त शेयर करा.

Leave a Reply

Your email address will not be published. Required fields are marked *

Back to top button
Close