श
प्रतिनिधी:प्रा.विश्वनाथ मस्के
भिसी येथील शिवाजी पब्लिक स्कूल व ज्युनिअर कॉलेज, भिसी यांच्या वतीने विद्यार्थ्यांसाठी शैक्षणिक सहलीचे आयोजन करण्यात आले होते. ही सहल शनिवार, दिनांक 20 डिसेंबर 2025 रोजी रामधाम (लाईट हाऊस), जिल्हा नागपूर येथे यशस्वीपणे पार पडली.
या शैक्षणिक सहलीत शाळा व ज्युनिअर कॉलेजमधील विद्यार्थ्यांनी मोठ्या उत्साहाने सहभाग घेतला. रामधाम येथील धार्मिक, सांस्कृतिक व शैक्षणिक महत्त्वाच्या स्थळांना विद्यार्थ्यांनी भेट दिली. लाईट हाऊस परिसर, विविध देखावे व परिसरातील निसर्गसौंदर्य पाहून विद्यार्थ्यांना ज्ञानाबरोबरच आनंददायी अनुभव मिळाला.
सहलीदरम्यान शिक्षकांनी विद्यार्थ्यांना संबंधित स्थळांची माहिती दिली. प्रत्यक्ष अनुभवातून शिक्षण घेण्याची संधी मिळाल्याने विद्यार्थ्यांमध्ये जिज्ञासा व अभ्यासाची आवड वाढल्याचे दिसून आले. सहल सुरक्षित व शिस्तबद्धपणे पार पाडण्यासाठी शिक्षक व कर्मचारी वर्गाने विशेष परिश्रम घेतले.
सहलीच्या यशस्वी आयोजनाबद्दल शाळेच्या व्यवस्थापन समितीचे, प्राचार्य तसेच सहलीसाठी मार्गदर्शन करणाऱ्या शिक्षकांचे पालक व विद्यार्थ्यांकडून आभार मानण्यात आले. अशी शैक्षणिक सहल विद्यार्थ्यांच्या सर्वांगीण विकासासाठी उपयुक्त ठरते, असे मत यावेळी व्यक्त करण्यात आले.
