सिमुरगव्हाणला उत्साहात दत्तजयंती -लाखोंची उपस्थिती
प्रतिनिधी:अहमद अन्सारी परभणी
जगद्गुरू रामानंदाचार्य नरेंद्राचार्यजी महाराज यांच्या उपस्थितीत सिमुरगव्हाण (ता. पाथरी) येथे गुरुवारी श्री दत्त जयंती सोहळा उत्साहात साजरा झाला. यावेळी सामाजिक उपक्रमातर्गत मराठवाड्यातील ८० शालेय विद्यार्थ्यांना सायकलिंग चे मोफत वाटप करण्यात आले.
मराठवाडा पिठातर्फे या सपूर्ण सोहळ्याचे नियोजन करण्यात आले होते. सकाळी जगद्गुरू रामानंदाचार्य नरेंद्राचार्यजी यांच्या हस्ते श्री दत्ताची विधिवत पूजा केली, दर्शन घेतले. दिवसभर विविध धार्मिक कार्यक्रम झाले. सायंकाळी ६ पासून दत्त जन्मोत्सव सोहळा झाला. यावेळी भाविकांची प्रचंड गर्दी होती.
सायंकाळी मुख्य कार्यक्रमात संस्थानच्या सामाजिक उपक्रमांतर्गत मराठवाड्यातील वेगवेगळ्या जिल्ह्यातील 80 शालेय विद्यार्थ्यांना
सायकलचे वाटप करण्यात आले. उपस्थित नामवंतांच्या हस्ते हे वाटप झाले.
आमदार विजयसिंह पंडित गेवराई- बीड
आमदार कैलासजी गोरंट्याल – जालना
आमदार राजेश विटेकर – पाथरी
दुर्गा विष्णू उगले – सरपंच शिमुरगव्हाण
बाळासाहेब शंकरराव देशमुख- मा.जिल्हा परिषद सदस्य
मा.विजय औताडे – माजी उपमहापौर छत्रपती संभाजीनगर
वैशाली खराडे यांच्यासह अनेक मान्यवर उपस्थित होते
सर्वांनी आपल्या भाषणात जगद्गुरूं सुरू असलेल्या सामाजिक उपक्रमांचे कौतुक केले.
रात्री पिठाचे उत्तराधिकारी प.पू. कानिफनाथ महाराज व जगद्गुरू रामानंदाचार्य नरेंद्राचार्यजी महाराज यांची प्रवचने झाली. त्यांनी श्री दत्तात्रेय यांच्या वैशिष्टयांची ओळख करून दिली. सद्गुरूंचे आपल्या आयुष्यात असलेले महत्व सांगितले. सद्गुरू आपले मन संतुलित ठेवतात. त्यासाठी त्यांचे मार्गदर्शन महत्वाचे असते, असे ते म्हणाले. त्यानंतर चरण दर्शनानंतर सोहळ्याची सांगता झाली.
सोहळ्यासाठी भक्तांनी मोठी गर्दी केली होती. भव्य मंडपही अपुरा पडला. महाप्रसादाचे आयोजन करण्यात आले होते.
