उमेद तालुका अभियान व्यवस्थापन कक्ष पंचायत समिती चिमूर तर्फे दिवाळी फराळ पाच दिवसीय महोत्सवाचे आयोजन
प्रतिनिधीः हेमंत बोरकर
दिनांक 6नोव्हेबर 2023 ला पंचायत समिती चिमूर आवारात दिवाळी फराळ पाच दिवसीय महोत्सवाचे आयोजन करण्यात आले. या दिवाळी फराळ प्रदर्षानीचे उद्घाटन माननीय श्री. राठोड साहेब संवर्ग विकास अधिकारी पंचायत समिती चिमूर सोबत श्री. कांबळे सर विस्तार अधिकारी(कृषी) पंचायत समिती चिमूर यांचे हस्ते फीत कापून करण्यात आले.
दिवाळीनिमित्त विविध वस्तूची खरेदी करताना ग्रामीण भागातील स्वयंसहायता समूहातील महिलांनी उत्पादित केलेले खाद्यपदार्थ, आकाश दिवे, उटणे यांची खरेदी करून ग्रामीण भागातील महिलांच्या उत्साह वाढवावा व त्यांच्या उत्पन्नात वाढ करावी असे आवाहन श्री. राठोड साहेब संवर्ग विकास अधिकारी पंचायत समिती चिमूर यांनी केले.
उमेद महाराष्ट्र राज्य ग्रामीण जीवनोन्नती अभियान अंतर्गत चिमूर तालुक्यात मोठ्या प्रमाणात स्वयंसहायता समूह कार्यरत असून यातील अनेक महिला नाविन्यपूर्ण वस्तूची निर्मिती करतात दिवाळीच्या पार्श्वभूमीवर महिलांकडून विविध खाद्यपदार्थ व सजावटीच्या वस्तू विक्रीस ठेवल्या आहेत.
पंचायत समिती चिमूर परिसरात दिनांक 6 नोव्हेबर ते 10 नोव्हेबर या पाच दिवसीय कालावधीमध्ये दिवाळी फराळ महोत्सवाचे आयोजन करण्यात आले आहेत. या पाच दिवसांमध्ये विविध वस्तू विक्रीस असणार आहेत भेट देणाऱ्या ग्राहकांनी ग्रामीण भागातील महिलांनी उत्पादित केलेल्या विविध वस्तू खरेदी कराव्यात जेणेकरून ग्रामीण भागातील महिलांच्या घरातही आनंद पोहोचेल असे आवाहन श्री. राजेश बारसागडे तालुका अभियान व्यवस्थापक यांनी केले..
सदर कार्यक्रमास श्री. मेघदीप ब्राम्हणे, कु. रजनी खोब्रागडे, हेमचंद बोरकर, ईश्वर मेश्राम, सुधीर ठेंगरी, दिपाली दोडके, स्वप्ना उराडे, श्री. पुंडलीक गेडाम, श्री. नितेश मेश्राम, श्री. किरणकुमार मेश्राम, श्री. नितेश संगेल कु. प्रीती डोंगरे उमेद टीम यांनी परिश्रम घेतले.
