मुख्य संपादक:कु.समिधा भैसारे
शंकरपुर उपवनक्षेत्राअंतर्गत नियतक्षेत्र डोमा मधील संरक्षित वन कक्ष क्रमांक 478 मध्ये अवैध्यरित्या रेती उत्खनन व वाहतुक प्रकरणी वनाधिकाऱ्यांनी ट्रॅक्टर व ट्रॉली रेतीसह जप्त केले.
घटनेची हकीकत अशी की, डोमा नितयक्षेत्रात वनाधिकाऱ्यांनी गस्ती दरम्यान ट्रॅक्टरचा जंगलात आवाज असल्याने त्या भागात गेले असता तिथे काही इसम ट्रॅक्टर ट्रॉलीमध्ये फावडे व टोपल्याच्या सहाय्याने रेती भरतांना दिसले. त्यानंत्तर मौकास्थळी वनाधिकारी जात असतांना त्या इसमांना वनाधिकाऱ्यांची चाहुल लागताच सैरावैरा जंगलाच्या दिशेन पळत सुटले. वनाधिकाऱ्यांनी आवाज दिला असता कोणीही त्या ठिकाणी थांबले नाही. जवळ जावून पाहणी केली असता त्याठिकाणी अर्धवट रेती भरलेले लाल रंगाचे महिंद्रा कंपनीचे ट्रॅक्टर व ट्रॉली दिसून आले. त्या बिना नंबरचे ट्रॅक्टर व बिना नंबरचे ट्रॉली मध्ये 40 घनफुट रेतीसह चार फावडे व चार घमेले आढळून आले. रेती भरलेले लाल रंगाचे महिंद्रा कंपनीचे ट्रॅक्टर चेचीस क्रमांक MBNSFALBEJNL 02250 व टॉलीचा चेचीस क्रमांक AL201210565 असा आढळून आला व वनाधिकाऱ्यांनी ताब्यात घेवून जप्तीनामा, पंचनामा करुन वनगुन्हा क्रमांक 09149/228709/2024 दिनांक 28/11/2024 अन्वये भारतीय वन अधिनियम 1927 चे कलम 33(1) (बी), 41 व 42 (1) नुसार गुन्हा नोंद करुन ट्रॅक्टर ट्रॉलीसह चार प्लॉस्टिकचे टोपले, चार लोखंडी फावडे वनपरिक्षेत्र कार्यालय चिमुर येथे जमा केले.
प्रकरणाचा तपास मा. किशोर देऊरकर, वनपरिक्षेत्र अधिकारी (प्रादे.) चिमुर यांचे मार्गदर्शनात संतोष औतकर, वनपरिमंडळ अधिकारी शंकरपुर हे करीत असून कार्यवाही दरम्यान रामदास नैताम, वनपाल (गस्त पथक) चिमुर, विशाल सोनुने वनरक्षक, कालीदास गायकवाड वनरक्षक, पोटे वनरक्षक (गस्त पथक) प्रदिप ढोणे, दिवाकर डांगे हे उपस्थित होते.
