जिल्हा प्रतिनिधी:अहमद अन्सारी परभणी
मानवत तालुक्यातील मानोली येथील आत्महत्या ग्रस्त शेतकऱ्यांचा कुटुंबीयांचे जिल्हा मध्यवर्ती बँकेच्या संचालिका सौ.प्रेरणाताई वरपुडकर यांनी शुक्रवारी भेट घेऊन सांत्वन करत मदतीचा हात दिला.
चार शेतकऱ्यांनी नापिकी, कर्जबाजारीपणा व नैराश्यातून आत्महत्या करत आपली जीवन यात्रा संपवली होती. एकच आठवड्यात रवी सखाराम काकडे यांनी व दुसऱ्याच दिवशी ज्ञानोबा ज्ञानदेवराव भांड यांनी गळफास घेऊन आत्महत्या केली होती. तसेच हनुमान हरिभाऊ तळेकर यांनी रेल्वेखाली तर हरिभाऊ शिंदे यांनी झाडाला गळफास घेऊन जीवन यात्रा संपवली होती.
एकाच आठवड्यात एकाच गावातील चार शेतकऱ्यांनी आत्महत्या करून आपली जीवन यात्रा संपल्याने अक्षरशः संपूर्ण गाव हादरले होते. जिल्हा बँकेच्या संचालिका सौ.प्रेरणाताई वरपुडकर यांनी मानोली गावात भेट देवून आत्महत्या ग्रस्त शेतकरी कुटुंबीयांची भेट घेतली व त्यांचे सांत्वन केले. तसेच सर्वतोपरी सहकार्य करण्याचे आश्वासन देत प्रत्येक कुटुंबीयांना आ.सुरेशराव वरपुडकर यांच्या वतीने आर्थिक मदत केली.
